أصل المثل الشعبي: رجعت حليمة لعادتها القديمة

عبير موسى

بزمان مش كتير بعيد… بس يعني قبل ما يخترعوا الريجيم 😅
كان في امرأة اسمها حليمة.
هالمرأة كانت جداً بخيلة، والغريب بالموضوع إنها كانت زوجة حاتم الطائي! 🤔
حاتم الطائي المعروف بكرمه الشديد، لدرجة إنه بيوم من الأيام، لما اشتكتله جارته إن أولادها رح يموتوا من الجوع، وما كان عنده شي يقدملهم، ذبح حصانه الوحيد وطبخلهن ياه! 😳

نرجع لـ حليمة…
حليمة كانت من شدة بخلها، تطبخ أكلها بلا سمن، وإذا استعملته، تحط نقطة صغيرة جداً.
وكان حاتم دايمًا يقلها:
يا حليمة، زوّدي السمن بالطعام…
وكان ردها:
“السمن غالي، لازم نقتصد!”
وهيك، كان طعامها بلا نكهة، بلا طعم، ماسخ ومخيب للآمال.

وبيوم من الأيام…
صار شي قلب حياتها 💔
توفى ابنها الوحيد.
ومن كتر الحزن، اتغيرت حليمة وصارت كريمة، وصارت تزود السمن بالطعام، وتقول لحالها:
“تصدّقي يا حليمة، زوّدي السمن… خَلّي الناس تنبسط بالطعام.”

صار أكلها لذيذ، وزوجها صار ينبسط بالطعام، وكل مين زارها صار يمدح الطعم والنكهة.

بس ما مر وقت طويل…
ونسيت حليمة حزنها، ورجعت تفكر من جديد إنها لازم تقتصد.
ورجعت تقلل السمن، وخافت تزود.
ورجعت بخيلة، ورجع أكلها ماسخ.

ومن وقتها، صاروا الناس يقولوا:
رجعت حليمة لعادتها القديمة.

يعني كل ما يكون عندك عادة سيئة وبطّلتها، وبعدين رجعتلها، الناس رح يقولوا هيدا المثل:
“رجعت حليمة لعادتها القديمة” 🤷‍♀️